唔知大家屋企有無養寵物，不過今個星期介紹俾大家的活動，對於愛貓愛狗的你一定鍾意。另外今個星期仲有灣仔書展，大家有時間可以去執下平書啊！
如果有去過赤柱廣場，你可能會發現好多方便狗主人的設施，而呢個商場係今個星期會舉行一系列讓狗狗一展才藝的全方位多元化活動，其中包括空中狗 Café 推出期間限定狗狗英式下午茶，培養狗狗餐桌禮儀；狗狗更可發揮藝術才華，與主人一起製作賀年揮春；消費滿指定金額更可換領「潮狗浪攝相機」，讓狗狗成為攝影大師。更有狗狗樂活徑、托管服務、動物傳心術師等活動，發展狗狗身心健康及成為社交高手。
日期：2016 2016年1月10日 ‑ 17日 (逢星期日,六) 下午1時 ‑ 6時
地點：赤柱廣場 露天廣場 》赤柱佳美道23號赤柱廣場
想養貓的話，今個星期六，日不妨去觀塘鴻圖工業大廈睇下搵唔搵到自己隻有緣貓。今次有多達六十多隻流浪貓正等待善心人領養。不過所有貓咪不是即場可以領養回家，領養人需填領養貓貓申請表，之後會有義工聯絡你同接受家訪。記住啊，養寵物係一生一世的承諾，養貓前要諗清楚。
日期：2016年1月9日 (星期六) 中午 ‑ 下午6時、 2016年1月10日 (星期日) 中午 ‑ 下午5時
地點：觀塘鴻圖工業大廈 10/F 2室 》香港觀塘鴻圖道80號鴻圖工業大廈
2016年將至，無論大家是想調整心態準備突破現狀，還是想出外旅遊增廣見聞兼減壓，先看幾本好書幫自己擬定計劃吧！今次書展一連兩天在銅鑼灣鬧市中舉行，62 個攤位中約 7成為 $10、$20超抵價書籍，主打深度旅遊、攝影及語文相關的類別，而新書亦有 7至8折優惠。
日期：2016年1月9日 ‑ 10日 下午2時 ‑ 9時
地點：銅鑼灣東角道、記利佐治街及白沙道行人專用區 》香港銅鑼灣東角道
資料來源：Timable