之前一直有人覺得 Apple 推出嘅智能手錶 Watch 唔好賣，亦一直睇淡佢嘅銷情。不過最近市場研究公司 Canalys 嘅報告可能會令大家大吃一驚，因為該報告指 Apple Watch 推出半年，已於全球付運 700 萬隻，而呢個數據已係其餘有推出智能手錶嘅廠商過去 5 季嘅付運量總和！認真超級誇張呀。
該報告指出，Apple Watch 的付運量一直有穩步上升嘅趨勢，呢個唔止因為有愈來愈多可以買到 Apple Watch 嘅零售點，Apple 為 Watch 推出新色手錶及錶帶，以及 WatchOS 2 終於可支援原生 APPS，亦有助提升 Apple Watch 嘅銷量。
不過報告中專家亦「溫提」Apple，指他們其實係同唔少名錶品牌，例如：Fossil、Tag Heuer 競爭手錶市場，而呢兩個品牌今年年底均會推出他們第一款智能手錶，如果 Apple 要保持 Watch 嘅強勢，必需要令用家覺得他們「有需要」係生活上用到 Apple Watch，先可以吸引更多人購買。否則面臨今年年底嘅假日購物高峰期，有可能難以保持強勢銷情。
來源：CNet
相關文章:
【教學】iOS 18.1 如何用 Apple Intelligence 只需 2 個設定 + 香港免 VPN 也可用 【評測】Huawei WATCH GT 5 Pro 開箱評測 外觀高貴漂亮 + 功能極齊全 + 高爾夫模式專為愛好者訂制 + 情緒管理精準好用 + 電量超長氣可一周一充 M4 MacBook Pro 開箱影片流出 3 個 USB-C + 標準 16 GB RAM + 跑分結果
分享到 :
最新影片
